@TIMOROAN LAO RAI🇹🇱

Dala barak comunidade husu dehan, ami lori Referência SNC ne'e ba iha banco atu crédito, mas banco dehan tenke ba fali iha Terras e Propriedades hodi PRINT NIA MAPA LAI, ne oinsa?   Bem Hau esclarece iha ne Hanesan hau explica tiha ona iha postagem anteriores sira katak, Documento ida ne’e hanaran NUIP (Número Único de Identificação Predial) ou babain público bolu dehan “NÚMERO REFERÊNCIA SNC” Documento ida ne’e hanesan prova ida katak rai ho medida x localiza iha fatin x declara husi ema x hanesan nain ba rai durante processo sukat rai sistemático nebe realiza husi projeto SNC (2014-2019) Documento ida ne’e LAOS CERTIFICADO RAI NIAN, significa katak, ema nebe kaer documento refere sedauk sai nain LOLÓS ba rai nebe nia declara hanesan nain. Significa mos katak ema refere sedauk bele utiliza documento ida ne’e hodi halo transação (faan, sosa, aluga, usa sai garantia hodi empresta osan iha banco, no seluk tan), HO RAZÃO IDA NE’E MAKA BANCO LA SIMU ITA BOOT NIA DOCUMENTO HODI PROCESSO...

Considera ba processo transação rai ou faan/sosa   ne’ebe barak teb-tebes no sempre halo anúncio iha Facebook ho afirmação “DOCUMENTOS COMPLETO”, hau esclarece iha ne’e Documentos completo ne mak mais ou menus oinsa? Hau adianta kedas nia resposta iha ne   Primeiro, Iha Certidão do Direito de Propriedade (Certificado rai Timor nian) nebe halo ona nia inscrição ba primeiro direito de propriedade iha Notariado.   Segundo, Bele mos considera karik iha: 1). Decisão tribunal, 2). Decisão comissão de Terras e Propriedades 3). Número Referência SNC nebe PASSA ONA FAZE PUBLICAÇÃO no laiha reclamação husi ema seluk; 4). Sertifikat Hak Milik indonésia nian; 5). Propriedade Perfeita português nian;   Hau temi dehan BELE MOS CONSIDERA tamba hanesan ne’e   Decisão tribunal no Decisão Comissão ne’e considera título rai nian, mas precisa lori ba Notariado hodi halo inscrição ba primeiro direito de propriedade Hak milik no Propriedade Perfeita ne’e direito anterior primário, ...

Dala barak liu saida mak comunidade costuma rona kona-ba importância husi sertificado rai nian maka SAI HANESAN GARANTIA HODI FOTI CRÉDITO IHA BANCO Mas   Tuir lolós, benefícios husi sertificado rai ne’e barak tebes no hau sei explica iha ne Bem   Defini título Nain ba Rai iha nia importância nebe bo’ot, laos deit ba garantia hodi crédito iha banco, mas iha benefício barak nebe cidadão sei hetan quando sira nia rai iha ona certificado. Importante mos saliente iha ne’e katak, benefícios hirak ne’e laos deit ba Cidadão sira, mas ba mos Estado timorense Tuir mai hau descreve nia benefício sira  iha tabela kraik: CIDADÃO ESTADO TIMORENSE Iha Certificado rai significa ema ida ( Singular ou Coletiva) iha certeza jurídica ba rai pedasuk ida nebe nia iha ka nia usa hela.                                   Significa mos katak rai refere pertence legalmente ba cidadão refere no estado garante titu...

Laos pedido hotu-hotu atu trata sertificado rai nia sei aprovado Sim Pedido sira nebe submete mai iha terras e propriedades ho objetivo atu hetan sertificado rai nian sei sujeito ba APRECIAÇÃO tuir lei haruka Hau esclarece iha ne’e   Los dunik katak, pedido nebe interessados submete mai iha gabinete diretor geral terras e propriedade (DGTP) ou mai direta iha Direção Nacional dos Serviços Cadastrais (DNSC) ho objetivo atu trata certificado rai nian, balun sei la aprova ka INDEFERIDO tamba ho razão tuir mai Tuir ita nia leis sira kona-ba Rai iha TIMOR-LESTE, levantamento técnico cadastral nebe se baseia ba iha pedido husi requerente ita bolu ho naran: LEVANTAMENTO CADASTRAL ESPORÁDICO   Objetivo husi levantamento ida ne’e rasik atu responde ba cidadão sira ne’ebe PRECISA HO URGENTE certificado rai nian ho razão nebe fundamental Entretanto, pedido nebe requerente sira submete mai iha gabinete direção geral terras e propriedades, equipa técnico husi Cadastro sei halo avaliação ant...

Dala barak komunidade nebe aluga hela uma/rai estado hateten, ami aluga uma no rai estado to,o bainhira hodi bele sai ami nian? Ami mos bele trata certificado rai ka lae?   Bem   Hau esclarece iha ne’e   Reposta ba pergunta ida ne’e maka TEORICAMENTE NUNCA BELE SAI IMI NIAN.   Tamba nia lógica ne hanesan ne’e   Quando ita aluga ema nia rai/uma, ita nunca ba husu uma nain dehan bainhira mak hau bele sai nain ba uma ida ne’e Tamba simplesmente ita labele sai nain ba uma nebe ita aluga, EXCETO uma nain hakarak faan ba ita.     NO FELIZMENTE BA O NIA FELICIDADE, estado timorense mos iha hanoin ida ne’e.   Ou seja, iha ita nia lei sira kona-ba rai prevê katak cidadão sira nebe aluga uma/rai estado bele sai nain ba rai QUANDO ESTADO HAKARAK FAAN. Mas lei rai nian mos hateten katak, precisa legislação ketak ida hodi bele facilita compra no venda ba propriedade nebe ita boot sira aluga hela. Infelizmente até agora (momento nebe hau halo publikasaun ne’e) ...

Responde ba dúvida pública, processo oinsa mak bele hetan certificado rai iha Timor-Leste? No mais ou menos precisa fulan hira atu hetan documento refere? Antes atu responde ba pergunta refere hau adianta kedas iha ne’e. Processo kleur dunik tamba LEI OBRIGA atu halo publicação de dados katak ita boot mak nain duni ba determinado rai, durante 90 dias. Bem  Hau esclarece iha ne’e Certidão do Direito de Propriedade ou simplesmente título nain ba rai ka certificado rai nian, hanesan documento legal ida nebe comprova katak rai pedasuk ida pertence LEGALMENTE ba cidadão ida. Órgão nebe responsável ba emissão título nain ba rai mak Ministério da Justiça liu husi Direção Geral das Terras e Propriedades (DGTP), principalmente Direção Nacional dos Serviços Cadastrais ka babain público bolu ho naran CADASTRO. Oinsa nia processo?  Bem Hau quase iha certeza katak ita boot nia rai ladauk iha certificado. Oinsa mak hau iha certeza ida ne’e? Tamba tuir dados oficial, até presente momento, es...

Responde ba dúvida pública, AMI HAKARAK SOSA/FAAN RAI, OINSA MAK HALO NIA PROCESSO?   Hau tenta descreve nia processo iha ne’e Ita nia Código Civil hateten fa’an no sosa rai SÓ É VÁLIDO quando halo nia escritura pública  Atu halo escritura pública precisa iha título nain ba rai (certificado rai nian)  Órgão nebe iha competência atu halo escritura pública mak Direção Geral dos Registro e Notariado  Órgão nebe responsável ba emite título nain ba rai mak Direção Geral das terras e Propriedades Ou seja, simplifica nia processo karik hanesan ne’e Atu sosa rai ida?  Husu ba vendedor se nia iha Certidão do Direito de propriedade ka lae Fora husi certificado rai nian, documentos seluk la vale.  Vendedor laiha certificado, mas mesmo assim hau hakarak sosa, tamba babain ema sosa sem certificado no diak hela. Laos diak hela Ita boot iha hela incerteza nia laran Iha qualquer momento ema seluk bele mai reclama rai refere katak ninian, no ita boot sira bele lori malu to,...