PROCESSO FAAN/SOSA RAI NEBE LOS IHA TIMOR-LESTE

Responde ba dúvida pública, AMI HAKARAK SOSA/FAAN RAI, OINSA MAK HALO NIA PROCESSO? 

Hau tenta descreve nia processo iha ne’e

Ita nia Código Civil hateten fa’an no sosa rai SÓ É VÁLIDO quando halo nia escritura pública 

Atu halo escritura pública precisa iha título nain ba rai (certificado rai nian) 

Órgão nebe iha competência atu halo escritura pública mak Direção Geral dos Registro e Notariado 

Órgão nebe responsável ba emite título nain ba rai mak Direção Geral das terras e Propriedades

Ou seja, simplifica nia processo karik hanesan ne’e

Atu sosa rai ida? 

Husu ba vendedor se nia iha Certidão do Direito de propriedade ka lae

Fora husi certificado rai nian, documentos seluk la vale. 

Vendedor laiha certificado, mas mesmo assim hau hakarak sosa, tamba babain ema sosa sem certificado no diak hela.

Laos diak hela

Ita boot iha hela incerteza nia laran

Iha qualquer momento ema seluk bele mai reclama rai refere katak ninian, no ita boot sira bele lori malu to,o comissão de terras ou Tribunal hodi resolve 

Então saida mak tenke halo? 

Bem

Atu faan o nia rai? Submete pedido mai terras e Propriedades ho objetivo atu hetan título rai nian.

Baseia ba pedido refere, Cadastro tun ba halo levantamento cadastral no halo processo ba emissão título nian.

Karik durante processo (publicação 90 dias) mak iha reklamasaun husi ema seluk, quer dizer rai disputa, então submete ba iha Comissão terras hodi resolve ou bele mos ba tribunal.

Mas karik durante publicação mak laiha reclamação, Cadastro submete dados ba gabinete sua excelência ministro da justiça atu halo homologação no publica iha Jornal da república.

Husi ne’e hatudu katak válido ona hodi fo título ba ema ida nebe ohin hato,o pedido ne. 

Cadastro elabora nia sertificado tahan rua baseia ba homologação ministro: ida entrega ba rai nain ida seluk entrega ba notariado hodi halo registro predial

Ho ida ne’e processo termina ona.

Tuir mai rai nain nebe mak atu faan nia rai ba hamutuk ho comprador ba iha notariado hodi halo transação ka faan no sosa, husi nba notário sei halo nia escritura publica ida katak rai ho determinado número referência (NUIP) faan ona ba determinada pessoa iha determinado data.

FIM

Ho forma ida ne o sei iha certeza katak rai nebe o sosa sei la sai problema iha futuro. 

Tamba ida ne mak urgente la halimar atu governo ida ne’e acelera fahe certificado rai nian hodi facilita mercado jurídico imobiliário iha Timor Leste no facilita cidadão timor tomak nia vida 

Um abraço

#timoroanlaorai🇹🇱