IMPORTÂNCIA HUSI FAHE SERTIFICADO RAI NIAN

Dala barak liu saida mak comunidade costuma rona kona-ba importância husi sertificado rai nian maka SAI HANESAN GARANTIA HODI FOTI CRÉDITO IHA BANCO

Mas 

Tuir lolós, benefícios husi sertificado rai ne’e barak tebes no hau sei explica iha ne

Bem 

Defini título Nain ba Rai iha nia importância nebe bo’ot, laos deit ba garantia hodi crédito iha banco, mas iha benefício barak nebe cidadão sei hetan quando sira nia rai iha ona certificado.

Importante mos saliente iha ne’e katak, benefícios hirak ne’e laos deit ba Cidadão sira, mas ba mos Estado timorense

Tuir mai hau descreve nia benefício sira iha tabela kraik:

CIDADÃO	ESTADO TIMORENSE
Iha Certificado rai significa ema ida (Singular ou Coletiva) iha certeza jurídica ba rai pedasuk ida nebe nia iha ka nia usa hela.                                   Significa mos katak rai refere pertence legalmente ba cidadão refere no estado garante titularidade ida ne’e liu husi documento oficial nebe nia atribui ba (Certidão do Direito de Propriedade)	Define título rai significa facilita poder público atu halo cobrança impostos sira nebe relaciona ho rai, liu-liu rai sira nebe iha cidade ka área urbana. Imposto sira hanesan iha nação seluk bolu dehan, Imposto Predial e Territorial Urbano (IPTU), Imposto Transmissão de Bens Imóveis (ITBI), Imposto de Renda (IR), no seluk tan nebe ita nian lei tributaria define ona
Iha Certificado rai significa, família ida bele garante ona rai pedasuk ida hanesan herança ba nia oan sira ho seguro no definitivo. Atu fahe hanesan nebe no processo fahe ne oinsa, oan ida nebe mak iha direito liu no ida nebe mak laiha direito, hau sei explica iha oportunidade seluk, mas o fato é que, ho certificado rai bele ona garante herança ida ne’e	Hanesan base de dados atu facilita governo hodi administra, gere no halo planejamento territorial iha Timor laran tomak. Lembra katak, planejamento urbano iha ita nia rai, principalmente iha Capital Dili complicado tebes atu halo tamba ita laiha dados sira ne’e.  Ita la hatene se mak rai nia nain, ita la hatene se mak hela iha neba, ita la hatene ema nain hira mak iha neba. Ida ne’e dificulta tebes execução ba plano sira governo nian atu halo expropriação ba utilidade pública, por exemplo.
Iha certificado rai significa estado reconhece ema ida nia presença ou grupo ida nia presença hodi ocupa rai ida. Significa katak ema ou grupo refere laos ona considera hanesan ocupantes irregulares iha rai refere. Significa mos katak cidadão refere iha direito atu exerce nia cidadania de uma forma plena, ou seja, cidadão sira começa iha ona lian hodi cobra poder público ba nia direito sira hanesan cidadão, tamba Iinsere ona legalmente ba cidade ida.	Sai base ba decisões sira husi poder público atu investe iha saúde, educação, avaliação de impostos no gestão ambiental sira.
Iha certificado rai significa cidadão ida bele ona foti crédito iha banco usa documento refere hanesan garantia, hodi bele hadiak nia moris liu husi negócio, haruka nia oan ba escola, halo investimento seluk ruma nebe bele fo rendimento ba nia	Sei contribui makás ba queda taxa de violência no insegurança iha Timor-Leste, tamba estudo balun hatudu katak problema rai hanesan fonte ida husi insegurança no instabilidade social iha ita nia nação
Iha certificado rai significa katak cidadão ida bele faan/sosa rai ho seguro, transaparante no lalais.  NO SELUK SELUK TAN	BELE GARANTE ONA MERCADO JURÍDICO IMOBILIÁRIO HO SEGURO NO TRANSPARANTE IHA TIMOR-LESTE (Garante faan/sosa no aluga rai ho seguru no transparante). Significa katak bele garante ona segurança jurídica da propriedade hodi bele atrai investidores mai halo investimento iha ita nia rai. No seluk seluk tan