Crédito iha Banco ho Referência SNC

Dala barak comunidade husu dehan, ami lori Referência SNC ne'e ba iha banco atu crédito, mas banco dehan tenke ba fali iha Terras e Propriedades hodi PRINT NIA MAPA LAI, ne oinsa? 


Bem

Hau esclarece iha ne


Hanesan hau explica tiha ona iha postagem anteriores sira katak, Documento ida ne’e hanaran NUIP (Número Único de Identificação Predial) ou babain público bolu dehan “NÚMERO REFERÊNCIA SNC”

Documento ida ne’e hanesan prova ida katak rai ho medida x localiza iha fatin x declara husi ema x hanesan nain ba rai durante processo sukat rai sistemático nebe realiza husi projeto SNC (2014-2019)


Documento ida ne’e LAOS CERTIFICADO RAI NIAN, significa katak, ema nebe kaer documento refere sedauk sai nain LOLÓS ba rai nebe nia declara hanesan nain.

Significa mos katak ema refere sedauk bele utiliza documento ida ne’e hodi halo transação (faan, sosa, aluga, usa sai garantia hodi empresta osan iha banco, no seluk tan), HO RAZÃO IDA NE’E MAKA BANCO LA SIMU ITA BOOT NIA DOCUMENTO HODI PROCESSO BA CRÉDITO. 


Saida mak ita boot tenke halo?

LAOS BA HUSU IHA TERRAS PARA ATU HALO NIA MAPA, MAS BA HUSU IHA TERRAS PARA HALO PROCESSO SERTIFICADO RAI BA NUIP REFERE.


Hau esclarece iha ne’e 

Quando ita boot ba husu para atu halo nia mapa, POSSIBILIDADE NEBE ACONTECE MAK OKNUM SIRA APROVEITA IDA NE’E HODI FÓ PLANTA CADASTRAL NEBE LAIHA ASSINATURA NO LAIHA CARIMBO HUSI INSTITUIÇÃO HANESAN CIRCULA BAR-BARAK IHA MÉDIA SOCIAL NE’E

Então saida mak ita boot tenke husu

Ita boot halo pedido ida, anexa ho NUIP nebe ita boot iha no documento identidade ita boot ninian, hato,o ba Diretor Geral das Terras e Propriedades ho objetivo atu hetan sertificado rai.


Iha ita boot nia pedido EXPLICA CLARO TAMBA SAÍDA MAK URGENTE LOS atu hetan certificado rai nian.

Tuir mai, Direção Nacional Cadastro baseia ba ita boot nia pedido halo processo ba emissão título nain ba rai.


Quando Título Nain ba Rai ka certificado rai nian iha ona, ita boot bele lori ba crédito iha banco sem problema nenhum 

Ida ne’e maka processo nebe lolós

Então halo tuir ba hodi labele lakon o nia osan a toa. 


Obs: trata sertificado rai nia processo oinsa, lê iha postagem anterior sira


Um abraço  

#timoroanlaorai🇹🇱



Comentários

Postar um comentário

Postagens mais visitadas deste blog

PROCESSO ATU TRATA SERTIFICADO RAI IHA TIMOR-LESTE

Responde ba dúvida pública, processo oinsa mak bele hetan certificado rai iha Timor-Leste? No mais ou menos precisa fulan hira atu hetan documento refere? Antes atu responde ba pergunta refere hau adianta kedas iha ne’e. Processo kleur dunik tamba LEI OBRIGA atu halo publicação de dados katak ita boot mak nain duni ba determinado rai, durante 90 dias. Bem  Hau esclarece iha ne’e Certidão do Direito de Propriedade ou simplesmente título nain ba rai ka certificado rai nian, hanesan documento legal ida nebe comprova katak rai pedasuk ida pertence LEGALMENTE ba cidadão ida. Órgão nebe responsável ba emissão título nain ba rai mak Ministério da Justiça liu husi Direção Geral das Terras e Propriedades (DGTP), principalmente Direção Nacional dos Serviços Cadastrais ka babain público bolu ho naran CADASTRO. Oinsa nia processo?  Bem Hau quase iha certeza katak ita boot nia rai ladauk iha certificado. Oinsa mak hau iha certeza ida ne’e? Tamba tuir dados oficial, até presente momento, es...
Leia mais

Modelo certificado rai Timor-Leste

Imagem
Responde ba dúvida pública, certificado rai Timor nian mak ida nebe? No começa fahe horbainhira?  Nia resposta SIM, ita iha ona certificado rasik no hau descreve iha ne Modelo certificado rai Timor-Leste nian elaborado husi Direção Nacional dos Serviços Cadastrais no aprovado husi Ministro da Justiça liu husi Diploma Ministerial número 48/2022 nebe publicado iha Jornal da República    iha data 9 de novembro de 2022.  Modelo refere continua mantem iha governo atual hodi atribui direito de propriedade ba requerentes nebe hakarak hetan legalidade ba ninia bens imóveis.  Antes atu responde certificado hira mak estado timorense fahe ona depois ukun-an no começa hor-bainhira, tuir mai hau hakarak descreve liu deit dados balun kona-ba certificado sira nebe emitidos iha períodos anteriores.  Bem Tuir dados nebe estudo balun demonstra, durante Administração Indonésia consegue registra mais ou menos 40 mil parcelas iha Timor-Leste no consegue atribui certificado ba t...
Leia mais

PROCESSO FAAN/SOSA RAI NEBE LOS IHA TIMOR-LESTE

Responde ba dúvida pública, AMI HAKARAK SOSA/FAAN RAI, OINSA MAK HALO NIA PROCESSO?   Hau tenta descreve nia processo iha ne’e Ita nia Código Civil hateten fa’an no sosa rai SÓ É VÁLIDO quando halo nia escritura pública  Atu halo escritura pública precisa iha título nain ba rai (certificado rai nian)  Órgão nebe iha competência atu halo escritura pública mak Direção Geral dos Registro e Notariado  Órgão nebe responsável ba emite título nain ba rai mak Direção Geral das terras e Propriedades Ou seja, simplifica nia processo karik hanesan ne’e Atu sosa rai ida?  Husu ba vendedor se nia iha Certidão do Direito de propriedade ka lae Fora husi certificado rai nian, documentos seluk la vale.  Vendedor laiha certificado, mas mesmo assim hau hakarak sosa, tamba babain ema sosa sem certificado no diak hela. Laos diak hela Ita boot iha hela incerteza nia laran Iha qualquer momento ema seluk bele mai reclama rai refere katak ninian, no ita boot sira bele lori malu to,...
Leia mais