DOCUMENTOS COMPLETO NE MAK OINSA?

Considera ba processo transação rai ou faan/sosa  ne’ebe barak teb-tebes no sempre halo anúncio iha Facebook ho afirmação “DOCUMENTOS COMPLETO”, hau esclarece iha ne’e Documentos completo ne mak mais ou menus oinsa?

Hau adianta kedas nia resposta iha ne  

• Primeiro, Iha Certidão do Direito de Propriedade (Certificado rai Timor nian) nebe halo ona nia inscrição ba primeiro direito de propriedade iha Notariado. 
• Segundo, Bele mos considera karik iha: 1). Decisão tribunal, 2). Decisão comissão de Terras e Propriedades 3). Número Referência SNC nebe PASSA ONA FAZE PUBLICAÇÃO no laiha reclamação husi ema seluk; 4). Sertifikat Hak Milik indonésia nian; 5). Propriedade Perfeita português nian; 

Hau temi dehan BELE MOS CONSIDERA tamba hanesan ne’e 

Decisão tribunal no Decisão Comissão ne’e considera título rai nian, mas precisa lori ba Notariado hodi halo inscrição ba primeiro direito de propriedade

Hak milik no Propriedade Perfeita ne’e direito anterior primário, mas precisa halo RECONHECIMENTO iha Ministério da Justiça liu husi Direção Nacional de Cadastro, em seguida lori ba Notariado hodi halo inscrição ba primeiro direito de propriedade

Referência SNC nebe laiha reclamação precisa finaliza nia processo atribuição título, precisa halo Homologação, precisa publica iha Jornal da República, etc. 

Hau temi dehan “Bele mos considera”tamba hirak ne’e hein deit ona processos finais hodi cumpre ba requisitos compra e venda ninian. 

Tamba ita nia código civil hateten, faan sosa rai SÓ É VÁLIDO quando halo nia escritura pública 

Notário atu halo nia escritura pública nia precia primeIro título rai nian

Tamba ida ne’e maka precisa cumpre processo sira ne’e hotu mak foin bele considera DOCUMENTOS COMPLETO

Tamba saída mak tenke hanesan ne’e? Tamba lei mak hateten 

Hein katak ida ne’e bele ona ajuda ita boot sira atu compreende katak “DOCUMENTOS COMPLETO” ne’e laos ho PLANTA CADASTRAL NEBE LAIHA  ASSINATURA, DECLARAÇÃO HUSI CHEFE SUCO NO ALDEIA, SURAT JUAL BELI NEBE ITA BOOT NAIN RUA HALO NO SELUK TAN 

Um abraço