PLANTA DO TERRENO X CERTIDÃO DO DIREITO DE PROPRIEDADE

Dala ida tan hau esclarece iha ne’e katak PLANTA CADASTRAL ou babain público bolu ho naran Planta do terreno ne’e LALOS CERTIFICADO rai nian. 

Ah mas ami ba trata crédito iha banco, banco husu atu anexa planta do terreno, no quando ami ba iha Terras e Propriedades trata planta refere hodi anexa ba, banco simu hodi processa ami nia crédito

SIM

LOS DUNIK

Mas hau contextualiza iha ne’e


Bancos comerciais iha Timor-Leste hamutuk ha’at (BNCTL, BNU, Bank BRI no Bank Mandiri).

Entre banco ha’at mencionado iha leten, SOMENTE BNCTL (banco estatal ou banco estado nian) deit mak aceita fó crédito ho garantia rai, ne’ebe apresenta PLANTA DO TERRENO, banco comerciais tolu seluk la aceita.


Ida ne’e acontece, tamba tuir Câmara de Comércio e Indústria (CCI) katak iha orientação husi governo timorense ba BNCTL hodi bele processo crédito ba cliente sira nebe utiliza rai hanesan garantia ho planta do terreno husi terras e Propriedades. 


Mas tamba saida mak banco tolu seluk la aceita documento refere? 

Nia resposta simples 

Tamba sira banco particular nebe iha nia regras rasik

Tamba documento refere sedauk suficiente hodi fó certeza jurídica ba rai pedasuk ida. 

Planta cadastral ne’e meramente planta cadastral, nia laos título rai nian ka certificado rai nian. 


Iha diferença entre Planta do terreno (planta cadastral) ho Título rai nian (Certidão do Direito de Propriedade)? 

SIM IHA 

Nia diferença barak, mas hau menciona ida nebe crucial liu iha ne’e maka PUBLICAÇÃO 90 dias.

Sim 

Planta do terreno nebe usa hodi halo crédito, terras e propriedades la halo publicação. 

Certidão do Direito de Propriedade obrigatoriamente tenke liu husi faze publicação.


Ho razão katak, atu iha certeza katak rai pedasuk ida pertence ba cidadão ida, Lei obriga Terras e Propriedades halo PUBLICAÇÃO DE DADOS DURANTE 90 DIAS, ho objetivo atu fó oportunidade ba ema hotu-hotu nebe sente katak iha mós direito ba rai pedasuk refere, bele halo reclamação hasoru requerente. 

Liu tiha período mencionado iha leten mak laiha reclamação, ita bele considera katak requerente “iha ona direito” ba rai pedasuk refere. 


Ho situação ida ne’e mak halo com que bancos particulares sira la aceita planta do terreno sai garantia ba crédito.


Solução mak saida?

Simples

Em vez de governo orienta hodi usa planta do terreno ne’ebe loron ikus bele cria fali problema ba próprio governo no cria mós problema ba cidadão sira, orienta hodi ACELERA FAHE CERTIFICADO ho urgente ba ema sira nebe hakarak faan no sosa rai, aluga no crédito osan iha banco hodi hadia nia moris


Um abraço

#timoroanlaorai🇹🇱

Comentários

Postar um comentário

Postagens mais visitadas deste blog

PROCESSO ATU TRATA SERTIFICADO RAI IHA TIMOR-LESTE

Responde ba dúvida pública, processo oinsa mak bele hetan certificado rai iha Timor-Leste? No mais ou menos precisa fulan hira atu hetan documento refere? Antes atu responde ba pergunta refere hau adianta kedas iha ne’e. Processo kleur dunik tamba LEI OBRIGA atu halo publicação de dados katak ita boot mak nain duni ba determinado rai, durante 90 dias. Bem  Hau esclarece iha ne’e Certidão do Direito de Propriedade ou simplesmente título nain ba rai ka certificado rai nian, hanesan documento legal ida nebe comprova katak rai pedasuk ida pertence LEGALMENTE ba cidadão ida. Órgão nebe responsável ba emissão título nain ba rai mak Ministério da Justiça liu husi Direção Geral das Terras e Propriedades (DGTP), principalmente Direção Nacional dos Serviços Cadastrais ka babain público bolu ho naran CADASTRO. Oinsa nia processo?  Bem Hau quase iha certeza katak ita boot nia rai ladauk iha certificado. Oinsa mak hau iha certeza ida ne’e? Tamba tuir dados oficial, até presente momento, es...
Leia mais

Modelo certificado rai Timor-Leste

Imagem
Responde ba dúvida pública, certificado rai Timor nian mak ida nebe? No começa fahe horbainhira?  Nia resposta SIM, ita iha ona certificado rasik no hau descreve iha ne Modelo certificado rai Timor-Leste nian elaborado husi Direção Nacional dos Serviços Cadastrais no aprovado husi Ministro da Justiça liu husi Diploma Ministerial número 48/2022 nebe publicado iha Jornal da República    iha data 9 de novembro de 2022.  Modelo refere continua mantem iha governo atual hodi atribui direito de propriedade ba requerentes nebe hakarak hetan legalidade ba ninia bens imóveis.  Antes atu responde certificado hira mak estado timorense fahe ona depois ukun-an no começa hor-bainhira, tuir mai hau hakarak descreve liu deit dados balun kona-ba certificado sira nebe emitidos iha períodos anteriores.  Bem Tuir dados nebe estudo balun demonstra, durante Administração Indonésia consegue registra mais ou menos 40 mil parcelas iha Timor-Leste no consegue atribui certificado ba t...
Leia mais

PROCESSO FAAN/SOSA RAI NEBE LOS IHA TIMOR-LESTE

Responde ba dúvida pública, AMI HAKARAK SOSA/FAAN RAI, OINSA MAK HALO NIA PROCESSO?   Hau tenta descreve nia processo iha ne’e Ita nia Código Civil hateten fa’an no sosa rai SÓ É VÁLIDO quando halo nia escritura pública  Atu halo escritura pública precisa iha título nain ba rai (certificado rai nian)  Órgão nebe iha competência atu halo escritura pública mak Direção Geral dos Registro e Notariado  Órgão nebe responsável ba emite título nain ba rai mak Direção Geral das terras e Propriedades Ou seja, simplifica nia processo karik hanesan ne’e Atu sosa rai ida?  Husu ba vendedor se nia iha Certidão do Direito de propriedade ka lae Fora husi certificado rai nian, documentos seluk la vale.  Vendedor laiha certificado, mas mesmo assim hau hakarak sosa, tamba babain ema sosa sem certificado no diak hela. Laos diak hela Ita boot iha hela incerteza nia laran Iha qualquer momento ema seluk bele mai reclama rai refere katak ninian, no ita boot sira bele lori malu to,...
Leia mais