Modelo certificado rai Timor-Leste

Responde ba dúvida pública, certificado rai Timor nian mak ida nebe? No começa fahe horbainhira? 

Nia resposta SIM, ita iha ona certificado rasik no hau descreve iha ne

Modelo certificado rai Timor-Leste nian elaborado husi Direção Nacional dos Serviços Cadastrais no aprovado husi Ministro da Justiça liu husi Diploma Ministerial número 48/2022 nebe publicado iha Jornal da República  iha data 9 de novembro de 2022. 

Modelo refere continua mantem iha governo atual hodi atribui direito de propriedade ba requerentes nebe hakarak hetan legalidade ba ninia bens imóveis. 

Antes atu responde certificado hira mak estado timorense fahe ona depois ukun-an no começa hor-bainhira, tuir mai hau hakarak descreve liu deit dados balun kona-ba certificado sira nebe emitidos iha períodos anteriores. 

Bem

Tuir dados nebe estudo balun demonstra, durante Administração Indonésia consegue registra mais ou menos 40 mil parcelas iha Timor-Leste no consegue atribui certificado ba tipos de direito hanesan: Hak milik, hak guna bangunan no hak guna usaha ba cidadão sira.

Husi total certificado ida ne’e, estima katak mais de 30% atribui ba cidadão indonésio nebe iha tempo neba desloca mai iha Timor-Leste  liu husi programa transmigração (transmigrasi).

Durante período colonial atribuido título hamutuk 2843, principalmente ba rai sira iha área urbana no ba agricultura fértil sira. Somente  grupos principais lima mak iha certificado rai durante período ida ne’e: 1). estado português 2). Elite mestiço sira 3). Liurais timorense nebe hetan reconhecimento husi estado português 4). Igreja católica no ikus liu 5). Comerciante chinês. 

Direito sira ne,e mak hanesan: Direito de propriedade perfeita no Aforamento.

Ikus liu iha tempo ukun an, começa husi programa ITA NIA RIA (INR) registra mais de 40 mil parcelas no iha projeto Sistema Nacional de Cadastro (SNC) registra mais de 300 mil parcelas.

Husi total parcela nebe registrado desde INR no SNC, estado timorense só começa halo processo ba iha certificado nain ba rai tuir leis rai nian iha tinan 2022 ho oitavo governo constitucional.

Lançamento ba certificado TÍTULO NAIN BA RAI ka Certidão do Direito de Propriedade halao iha RAEOA iha dia 27 de Novembro de 2022, husi primê timorense, Jeneral Taur Matan Ruak. 

Total cidadão nebe hetan Certidão do Direito de Propriedade ka Certificado Rai nian iha fase lançamento ida ne’e hamutuk 39 pessoas mai husi município hotu2 iha território nacional. 

Portanto, atu dehan deit katak estado timorense, ho limitação barak nebe nia iha, começa tiha ona fahe certificado rai nian ba nia cidadão sira desde tinan ida kotuk ba, basta agora governo atual hadia buat balun nebe necessário no acelera legalização ba estatuto rai iha nação ida ne’e, hodi facilita ema hotu nia vida.

Importante liu ba ita timoroan mak ESPÍRITO DE CONTINUIDADE no COLABORATIVO ba planos sira nebe iha tiha ona. Assim, ita la começa sempre husi Zero, mas melhora saida mak iha ona hodi avança ba oin. 

Um abraço

#timoroanlaorai🇹🇱