Sertificado rai tempo português no indonésia, ida nebe mak vale?

Responde ba dúvida pública, certificado rai tempo português no certificado tempo indonésia, ida nebe mak válido? Ida nebe mak iha direito? 

Bem hau esclarece iha ne

Tuir ita nia lei das terras, documentos rai tempo colonial português nebe estado timorense reconhece  mak 1). Direito de propriedade perfeita 2). Aforamento.

Iha fali administração indonésia, estado timorense reconhece 1). Hak milik 2). Hak Guna-bangunan 3). Hak Guna-usaha 

Entre certificado sira ne’e válido hotu kedas ka balun lae? 

Nia resposta DEPENDE

Depende ba saida? 

Hau esclarece iha ne

Documentos hotu nebe menciona iha leten ita hanaran DIREITOS ANTERIORES: Primários e secundários 

Ba hirak nebe detém direitos anteriores primários (Propriedade perfeita no Hak milik), bele hato,o pedido mai terras e Propriedades hodi nune Cadastro bele halo PROCESSO DE RECONHECIMENTO, durante processo ne’e mak laiha CONTESTAÇÃO husi partes terceiros, estado timorense liu husi Ministério da Justiça / Terras e Propriedades bele fó certificado rai Timor-Leste nian ba cidadão refere. 

Ba hirak nebe detém direitos anteriores secundários (Aforamento, HGB no HGU) mos bele hato,o pedido mai terras e Propriedades hodi nune Cadastro bele halo nia PROCESSO DE ATRIBUIÇÃO de título, durante processo ne’e mak cadastro avalia katak nia PREENCHE CRITÉRIOS nebe lei das terras estabelece, estado timorense bele atribui certificado rai Timor-Leste nian ba cidadão refere. (Obs: ba ida ne’e iha critérios lubun boot ida nebe precisa preenche) 

Dala barak iha mós pergunta dehan, rai ida iha certificado rua, ema ida kaer certificado indonésia ida seluk kaer certificado português. Se lós mak bele sai nain? 

Olha

Nia resposta mak TEORICAMENTE IMPOSSÍVEL, mas iha prática talvez ida ne acontece, e justamente ho histórico nebe Timor iha, em que Portugal coloniza ita durante 4 séculos liu, Indonésia ukun ita durante 24 anos, administração transitória ho UNTAET no crise política barak nebe mosu iha nação kiik oan ida ne, halo com que estado timorense hasoru DESAFIO BOOT DEMAIS hodi define direito rai nian. 

Atu acrescenta mos katak, ita nia lei 13/2017 define klaru kona-ba questão ida ne'e. Karik existe possibilidade em que parcela ida iha nain liu ema ida, ida seluk nebe la consegue direito rai nian sei bele hetan indemnizasaun husi estado, em consequência da implementasaun da presente Lei. 

Obs: Direitos anterior primário iha seluk ida tan mak lei hanaran dehan Direitos Informais nebe quase maioria ita timoroan iha direito ida ne’e,  mas ba nia detalhe hau explica depois. 

Um abraço