FAAN/SOSA RAI NEBE LAIHA GARANTIA NO LA SEGURO

Faan sosa rai ho modelo ida ne’ebe dadaun ne’e sociedade timorense adota ne’e LA SEGURO, LA TRANSPARANTE no CUSTA KARUN.

Hau esclarece iha ne👇

 

LA SEGURO tamba ita boot sosa rai ida sem iha certeza se rai ne’e pertence dunik ba ida faan ne ou lae. 

Ah mas iha declaração chefe suco no chefe de aldeia🤔

OK, Hau nia pergunta simples. Motor ho kareta nebe laiha STNK, ita boot bele sosa ho declaração husi chefe do suco ka lae? nia resposta com certeza LAE, tamba ita hotu hatene katak tuir Lei DNTT mak iha competência ba questão ida ne’e

Hanesan mos certificado rai nian, tuir lei Ministro da Justiça liu husi Terras e Propriedades mak iha competência, laos entidade sira seluk. 

Portanto, rai nebe ita boot sosa ho osan montante boot sei laiha garantia ou la seguro. 

 

LAIHA TRANSPARÊNCIA tamba acto compra e venda nebe ita boot sira realiza la halo ninia escritura pública, ou seja, la registro iha Notariado. 

Significa katak la insere ba iha sistema registro predial. 

Tamba saida mak tenke halo ninia escritura pública no registro predial? Simples, tamba lei mak hateten. Lia dehan, faan sosa rai só válido quando halo nia escritura pública. 

Hau esclarece liu tan nia importância iha ne.👇

 

Registro predial ne importante tamba bele pública ba ema hotu direito nebe ita boot iha ba rai X, significa katak se ema hotu hatene katak ita boot mak nain ba rai X liu husi registro predial, ema sei la reivindica ka la halo ação ida contra ita boot ba rai refere. 


Além de ida ne’e ema seluk mos sei hakarak sosa ka aluga ita boot nia rai ho confiante no segurança tamba nia iha certeza katak rai refere pertence ba ita boot legalmente. Significa katak iha transparência ba negócio nebe imi halo.

 

CUSTA KARUN

Sim sosa rai sem iha certificado ne custa karun liu tamba, 

- atu halo declaração compra e venda ka surat jual beli precisa testemunha➡️ testemunha PRECISA OSAN sigaru nian

- Atu halo declaração husi autoridade sira precisa osan sigaru nian (tuir informação nebe compradores sira hato,o)

- Depois de ida ne’e ba husu iha oknum balun iha instituição estado nian para ba sukat hodi fo planta cadastral nebe laiha assinatura no emblema RDTL hanesan hau pública tiha ona antes, CUSTA OSAN

- e pior liu, bele mos rai laos ema ida faan ne ninian, portanto imi sei problema no ikus mai lakon osan ho montante boot nebe ita boot gasta hodi sosa rai refere

 

Ok

Nia solução mak saida então?

1.    Hato,o pedido ba iha terras e Propriedades hodi bele trata certificado rai nian (levantamento esporádico)

2.    Governo liu husi terras e Propriedades precisa acelera definição titularidade ba bens imóveis (fahe certificado rai nian) iha Timor-Leste (Levantamento sistemático), atu nune bele GARANTE ONA SEGURANÇA JURÍDICA DA POSSE NO GARANTE COMÉRCIO JURÍDICO IMOBILIÁRIO SEGURO NO TRANSPARENTE  


Um abraço 

#timoroanlaorai🇹🇱



Comentários

Postar um comentário

Postagens mais visitadas deste blog

PROCESSO ATU TRATA SERTIFICADO RAI IHA TIMOR-LESTE

Responde ba dúvida pública, processo oinsa mak bele hetan certificado rai iha Timor-Leste? No mais ou menos precisa fulan hira atu hetan documento refere? Antes atu responde ba pergunta refere hau adianta kedas iha ne’e. Processo kleur dunik tamba LEI OBRIGA atu halo publicação de dados katak ita boot mak nain duni ba determinado rai, durante 90 dias. Bem  Hau esclarece iha ne’e Certidão do Direito de Propriedade ou simplesmente título nain ba rai ka certificado rai nian, hanesan documento legal ida nebe comprova katak rai pedasuk ida pertence LEGALMENTE ba cidadão ida. Órgão nebe responsável ba emissão título nain ba rai mak Ministério da Justiça liu husi Direção Geral das Terras e Propriedades (DGTP), principalmente Direção Nacional dos Serviços Cadastrais ka babain público bolu ho naran CADASTRO. Oinsa nia processo?  Bem Hau quase iha certeza katak ita boot nia rai ladauk iha certificado. Oinsa mak hau iha certeza ida ne’e? Tamba tuir dados oficial, até presente momento, es...
Leia mais

Modelo certificado rai Timor-Leste

Imagem
Responde ba dúvida pública, certificado rai Timor nian mak ida nebe? No começa fahe horbainhira?  Nia resposta SIM, ita iha ona certificado rasik no hau descreve iha ne Modelo certificado rai Timor-Leste nian elaborado husi Direção Nacional dos Serviços Cadastrais no aprovado husi Ministro da Justiça liu husi Diploma Ministerial número 48/2022 nebe publicado iha Jornal da República    iha data 9 de novembro de 2022.  Modelo refere continua mantem iha governo atual hodi atribui direito de propriedade ba requerentes nebe hakarak hetan legalidade ba ninia bens imóveis.  Antes atu responde certificado hira mak estado timorense fahe ona depois ukun-an no começa hor-bainhira, tuir mai hau hakarak descreve liu deit dados balun kona-ba certificado sira nebe emitidos iha períodos anteriores.  Bem Tuir dados nebe estudo balun demonstra, durante Administração Indonésia consegue registra mais ou menos 40 mil parcelas iha Timor-Leste no consegue atribui certificado ba t...
Leia mais

PROCESSO FAAN/SOSA RAI NEBE LOS IHA TIMOR-LESTE

Responde ba dúvida pública, AMI HAKARAK SOSA/FAAN RAI, OINSA MAK HALO NIA PROCESSO?   Hau tenta descreve nia processo iha ne’e Ita nia Código Civil hateten fa’an no sosa rai SÓ É VÁLIDO quando halo nia escritura pública  Atu halo escritura pública precisa iha título nain ba rai (certificado rai nian)  Órgão nebe iha competência atu halo escritura pública mak Direção Geral dos Registro e Notariado  Órgão nebe responsável ba emite título nain ba rai mak Direção Geral das terras e Propriedades Ou seja, simplifica nia processo karik hanesan ne’e Atu sosa rai ida?  Husu ba vendedor se nia iha Certidão do Direito de propriedade ka lae Fora husi certificado rai nian, documentos seluk la vale.  Vendedor laiha certificado, mas mesmo assim hau hakarak sosa, tamba babain ema sosa sem certificado no diak hela. Laos diak hela Ita boot iha hela incerteza nia laran Iha qualquer momento ema seluk bele mai reclama rai refere katak ninian, no ita boot sira bele lori malu to,...
Leia mais